Miongoni mwa bidhaa hizo zilizotambulishwa na Apple ni iPhone 6S, Apple TV na iPad Pro.
Mkurugenzi wa Apple Tim Cook amesema kwamba maelezo ya kiufundi ya iPad Pro na vipakatalishi yataunganishwa pamoja.
iPad Pro inayoendeshwa kwa mfumo wa A9X, ina skrini yenye upana wa sentimita 32.8, na itauzwa pamoja na kicharazio na kalamu maalum ya Apple Pencil.
iPad Pro pia inaarifiwa kuwa na uwezo mkubwa wa utendaji kazi kwa kasi ya asilimia 80 zaidi kuliko tarakilishi nyinginezo. Vile vile itatumia betri linalodumu kwa masaa 10.
Apple TV nayo imeundwa kwa teknolojia ya hali ya juu na kuwa na kuweza kutumika kwa ajili ya kucheza gemu.
Vile vile simu mpya za Apple aina ya iPhone 6S na iPhone 6S Plus pia zilivutia wapenzi wengi wa tekonolojia katika maonyesho hayo.
Simu hizo mpya zitaingia sokoni Australia, Canada, China, Ufaransa, Ujerumani, Hong Kong, Japan, New Zealand, Porto Rico, Singapore, Uingereza na Marekani kuanzia tarehe 25 Septemba.
