Baskeli hii imetengenezwa na wataalam wa Formula 1 wakishirikiana na Chuo kikuu cha Lughborough cha Uingereza. Chuo kikuu cha Loughborough ni chuo kikuu bora katika michezo nchini Uingereza kwa zaidi wa miaka 20 mfululizo.
Bei ya Baiskeli hiyo ni Shilingi milioni 52 za Kitanzania, unaweza kujenga nyumba ya kisasa au kufungua duka zima la baskeli au ukanunua BMW 1 Series mpya kabisa na kubakiwa na chenji, lakini kwa baskeli aina ya Beru factor 001, unapata baskeli moja tu, tukiachana na bei hivi ndivyo vikorokoro vinavyopatikana katika baskeli hiyo.
Fremu ya Beru Factor 001 imetengenezwa kwa malighafi aina ya carbon fibre monocoque ambayo hutumika kutengenezea gari za Formula 1, malighafi hii inaifanya baskeli kuwa na umadhubuti wa hali juu na uzito mdogo sana. Bila ya kutia chumvi unaweza kuinyanyua baskeli hii kwa kidole kimoja tu lakini hautaweza kuipinda hata ukiamua kuigonga kwa nyundo nzito! kikubwa utachuna rangi tu.
Baskeli
hii ina kompyuta yenye skrini ya kugusa (touch screen) ambayo inakupa
taarifa kama vile kasi uendayo, mahala ulipo (GPS), joto la mwili kwa
kutumia bluetooth iliyounganishwa na kifaa unachotakiwa kukivaa, joto la
mazingira kwa kutumia kipima joto na undeshaji wako wa baskeli hiyo,
kwa mfano kompyuta hii unaweza kukujulisha kama unatumia nguvu zaidi kwa
mguu wa kulia kuliko wa kushoto, taarifa hii kwa mimi na wewe inaweza
kuwa haina maana yoyote lakini kwa washindanaji baskeli ni taarifa
muhimu mno.
Wanunuaji wa baskeli hiyo hutengenezewa kwa mujibu ya maumbile na uwezo wao wa kuendesha baskeli. Mteja hutakiwa kwenda maabara za Chuo kikuu cha Loughbough kufanyiwa uchunguzi wa afya na maumbile ili atengenezewe baskeli hiyo. Wataalam sita huchukua muda wa wiki nzima kukamilisha utengenezaji. Baiskeli hiyo tayari umeshawekwa katika makumbusho ya kisayansi nchini Uingereza kutokana na ubora wake.
Hii ni baskeli ya mazoezi kwa washindanaji ambayo ili uweze kununua ni lazima uwe mtoto wa milionea au bilionea
Wanunuaji wa baskeli hiyo hutengenezewa kwa mujibu ya maumbile na uwezo wao wa kuendesha baskeli. Mteja hutakiwa kwenda maabara za Chuo kikuu cha Loughbough kufanyiwa uchunguzi wa afya na maumbile ili atengenezewe baskeli hiyo. Wataalam sita huchukua muda wa wiki nzima kukamilisha utengenezaji. Baiskeli hiyo tayari umeshawekwa katika makumbusho ya kisayansi nchini Uingereza kutokana na ubora wake.
Baskeli
hii ambayo ni kitu muhimu kwa washindanaji katika mchezo wa kuendesha
baskeli ina breki maalum zinazotumia haidroliki badala ya breki za
kawaida za baskeli, pia ina gia ya umeme iwapo unataka kwenda mwendo wa
gari kama Lance Amstrong, yaani 80 kph.
CHANZO: telegraph.co.uk
MHARIRI: Abdallahmagana.com
